РУСКИ КЕРЕСТУР – З нагоди законченя ювилейней, пиятей сезони Рекреациї за жени, на чарди Лонґов внєдзелю, 5. юлия орґанизоване вешелє зоз музику младого керестурского „Касиус бенду”.
Законченє ище єдней успишней сезони преславели коло 60 жени, зоз хторих 40 жени активни и коло 20 бувши, односно нєактивни, а за шицких руководителька секциї Лїляна Еделински пририхтала и скромни дарунки. За найактивнєйши рекреативки того року вибрани Мария Арва и Мария Рац.
Рекреативки тераз на заслуженим одпочивку, у медзичаше буду орґанизовани и заєднїцки путованя до баньох, а нова сезона Рекреациї за жени почнє 2. септембра та поволани шицки заинтересовани же би ше приключели.
