БЕОҐРАД – Й.К.В. пристолонашлїднїк Александар и його Фондация за образованє и културу и того року предлужели традицию наградзовац вецей од 500 найлєпших матурантнох штреднїх школох зоз Сербиї и Републики Сербскей, а медзи наградзенима того року и школярка IV-1 оддзелєня Школи Петро Кузмяк, зоз Руского Керестура Емина Бики.
Циль програми же би ше дало припознанє младим хтори ше под час школованя визначели зоз своїм усихом, роботу и закладаньом. Додзельованє ше традицийно орґанизує под покровительством Кральовского дому и представя єдну зоз активносцох унапрямених на потримовку у образованю и на мотивованє младих же би ше предлужели усовершовац.
Емина ношитель припознаня Школяр ґенерациї за школски 2025/26. рок у керестурскей Ґимназиї Петро Кузмяк, а з тей нагоди єй уручени Похвални лїст и пригодни дарунок котри за шицких школярох порихтала Фондация Пристолонашлїднїка Александра.