КАНАДА/МЕКСИКО/ЗАД – Шветове першенство у фодбалу почало ище штварток, 11. юния, а будзе тирвац по 19 юлий, кед ше одбави фельке финалне стретнуце, на стадиону Метлайф у Америки.
Мундиял дошол по закончуюцу фазу осмини-финала, дзе ше фаворити визначую, алє єст и дзепоєдни нєсподзиваня. Тоти хтори фаворити, гоч и на паперу, добре треба же би ше презноєли и на терену, понеже нєт лєгкей побиди.
У закончуюцей часци Шветового першенства, нє будземе патриц дзепоєдни вельки мена як Нємецка, Голандия, Горватска, Бразил, домашнї Мексико…
Тот Мундиял указує же и „мєнши” репрезентациї „знаю” бавиц фодбал и же нє случайносц же дзепоєдни направели крочай далєй.
После двох возбудлївих дньох осмини-финала, нєшка ше предлужує борба за штварцину финала. У центру уваги було стретнуце медзи репрезентациями Портуґала и Шпаниї, док нєшка у ранших годзинох бавели домашня репрезентация ЗАД процив Белґиї, потим актуални шампион Арґентина пополадню бавела процив Єгипту, а Швайцарска бавела у вечарших годзинох процив репрезентациї Колумбиї.
Найлєпши стрильци першенства по тераз то Меси (Арґентина), Ембапе (Французка) и Халанд (Норвежска), хтори дали по 7 ґоли, а провадза их Кейн (Анґлия) хтори дал 6, Дембеле О. (Французка), Белинґем (Анґлия) и Оярзабал (Шпания) хтори дали по 4 ґоли.
Обчекує нас вельо тактизованя и винїмково возбудлїви стретнуца.