РУСКИ КЕРЕСТУР – У рамикох тогорочних пририхтованьох за жатву, керестурске Добродзечне огньогасне дружтво (ДОД) превентивно, од огня, препатрело механїзацию хтора будзе участвовац у жатви.
Огньогасна комисия препатрела 20 комбайни, 25 трактори, 50 апарати за гашенє огня, а преверела и знанє о процивогньовей защити 45 шоферох хтори буду участвовац у жатви.
Комисия прапатрунки того року окончела по обисцох учашнїкох у жатви, а за тоти услуги наплацовала 1400 динари за препатрунок комбайну, 500 динари за трактор, а преверйованє знаня 200 динари.
Як Рутенпрес дознава од предсидателя ДОД Михайла Раца, огньогасци и того року порихтани за 24-годзинове дежурство, так же у просторийох ДОД буду дежурни огньогашец и вожач камиона, з котрима годно контактовац на телефон. Тел. у керестурским ДОД 703-33, а професийней огньогасней єдинки у Кули 193.