КОЦУР – Каритас Сербиї, у сотруднїцтву з Каритасом нашого Апостолского еґзархату порушал проєкт з хторим пробує едуковац Месни заєднїци (МЗ) о тим як зменшац ризик од природних катастрофох, та о тей теми вчера у просторийох МЗ отримане преподаванє представительом коцурских здруженьох.
Преподаванє отримали координаторка проєкту Марина Сокич и Елемир Джуджар з Каритасу у Руским Керестуре, и поволали нащивительох преподаваня же би роздумали и утвердзели же хтори катастрофи найвецей грожа їх локалней заєднїци и як би их могло застановиц.
Як за Рутенпрес виявел Джуджар, циль того преподаваня же би ше утвердзело цо у Коцуре представя примарни проблем кед у питаню природни появи, та же би ше написало проєкт з хторим ше будзе конкуровац за средства за санацию того проблему, а ношитель проєкту би бул коцурски Каритас.