РУСКИ КЕРЕСТУР – Преподаванє о продукциї паприґи на отвореним вчера вечар у Ресторанє „Червена ружа” орґанизовало керестурске подприємство „Те-пам”, дистрибутер системи за залїванє капка по капку.
Велькому числу присутних продуковательох паприґи власнїк „Те-паму” Павле Малацко представел понукнуца, вигодносцих и шицки услугих свойого подприємства пред сезону, а интерактивне преподаванє отримал еминентни фаховец зоз заградкарства, проф. Др Жарко Илин з Польопривредного факултету у Новим Садзе.
На вчерайшим сходзе паприґаре упознати и з понукнуцом подприємства за продукцию штучних гнойох „Аґромастер”.
