РУСКИ КЕРЕСТУР – Три школярки Штреднєй школи туристичного напряму ,,Петро Кузмяк” у Руским Керестуре, на конкурсу под назву ,,Медзинародни днї школярского поднїмательства Сокобаня 2019.”, пласовали ше до другей часци змаганя.
Конкурс наменєни школяром штреднїх школох зоз териториї Републики Сербиї, а тот успишни школски тим творя – Кристина Калмар, Даяна Недич, и Николина Тркля, як и їх менторка, Аника Войчена.
Змаганє ше состої зоз двох часцох – у першей часци, школяре требали виробиц план промоциї, з помоцу рекламного споту хтори облапи шейсц часци хтори ше оценює, а друга часц змаганя представя реализацию їх плану промоциї на хторим школярки хвильково робя, а зоз хторим ше представя у Сокобанї од 16. по 18. май 2019.
Попри змаганя, у Сокобанї школи буду мац нагоду на штрандох, у центру города, промововац свойо школи и места зоз хторих приходза.