КОЦУР – У геркокатолїцкей церкви Успения пресвятей Богородици у Коцуре вчера преславени Русадля по юлиянским календаре. Служби служели о. Владислав Рац и о. Михайло Шанта.
З нагоди Русадльох церква оквеценена зоз желєнима конарами, а по церкви була порозтресана трава, а у валалє на обисцох облаки пооквицовани з конарчками и квецом.
Вчера пополадню паноцове на мадярским теметове служели парастос за шицких покойних, а на теметове пошвецени и нови криж. Нєшка, на Други дзень Русадльох у коцурскей церкви будзе мированє.