НОВИ САД – На Продуктней берзи у Новим Садзе того тижня зазначени рекордни обток од 4 114 тони, чия вредносц коло 94 милиони динари, цо штири раз вецей у як прешлого тижня.
Як сообщене з Продуктней берзи, того тижня предати 2 800 тони жита, чия цена ше рушала од 17,30 до 18,30 динари за кґ, без ПДВ.
Кукурица мала рекордну цену за тот рок – 17,10 динари за кґ, а штредня цена була 16,78 динари. Найвецей поросла цена сої, понеже ю могло предац за 41 динар за кґ, цо за 11,2 одсто вецей як прешлого тижня.