НОВИ САД – У найновшим 50. чишлє новинох ,,Руске слово” у рубрики Тижньовнїк вецей о Медзинародним дню людских правох хтори зоз шветочносцу означени у Беоґраду.
Нашо места приноша вистки же долня часц коло беґелю у Руским керестуре достанє зрипани асфалт од моста по базен, а нарок почнє вибудов канализациї у Коцуре и Савиним Селу. У рубрики Економия слово о отриманей Задружней школи у Лукичеву дзе дискутоване о нєобходних пременкох продукциї и дїлованя. У истей рубрики статя о фотоґрафиї хтора може буц и бизнис.
У рубрики Култура и просвита видвоюєме премиєру представи Мрожекового фалата „Полицає”, хтора дожила нову инсценацию у Руским Керестуре. У Сримскей Митровици отримана шветочна академия „Мацери Рускинї”.
У рубрики Людзе, роки, живот представена дохторка Леона Иван зоз Дюрдьова, а ту и интересантни напис з нашей прешлосци о перших керестрских тапетарох. Духовни живот преноши атмосферу на дзень кед св. Миколай нащивел керестурску церкву. Декан сримски и парох у Шидзе о. Михайло Режак видал Вифарбйованку з нагоди швета Миколая, док у Коцуре означени Дзень парохиялного Каритасу.
О резултатох наших фодбалерох на половки сезони, вецей у рубрики Спорт, док ше у истей рубрики на другим Жимским ноцним турниру у малим фодбалу у Керестуре нагадує побиднїк.
Додатки у тим чишлє Мозаїк и Руснаци и швет.