РУСКИ КЕРЕСТУР – Фебруар у парохиї св. о. Миколая почал зоз нєдзелю Блудного Сина, а окрем Службох у церкви, того дня на 15 годзин була служба и у манастире Исусових малих шестрох хтору служел о. Владислав Варґа.
После вечаршей Служби Божей було Всеночне пред шветом Стритения, хторе ше слави 2. фебруара. Того дня после вечаршей служби почина Дзевятнїца до Лурдскей Богородици у Новим манастире на Маковским шоре (Фрушкогорска улїца) и будзе пренос на ФБ катедрали.
На пияток Перши пияток, споведз по валалє.
Уписує ше Грамоти, котри ше служа пейц раз за наших покойних, а нашa християнска обовязка нє забувац за нїх. На соботу, 7. фебруарa будзе Перша Задушна собота – Служба Божа за покойних на 8 годзин рано.
Шлїдуюцей нєдзелї, 8. фебруара, у Центру Йосафата будзе отримана гуманитарна акция на котрей буду понукнути лакотки, сувенири и ручни роботи.
Вишло перше число „Дзвонох” у тим року, а „Дзвони” виходза уж 33 роки. Хто може помогнуц або ше предплациц – будзе велька помоц за далєй, бо як владика гварел – то єдини нашо церковни новини.
