НОВИ САД – У найновшим 5. числу новинох „Руске словоˮ, у рубрики Анатомия нашого часу дипл. инжинєр польопривреди Михайло Катона пише о тим же „Цо будземе зоз диґитализацию руских виданьох?” а у Тижньовнїку мож почитац о проєкту „Лїки без бариєри”.
Рубрика Нашо места, дава звити зоз преслави Националного швета у Коцуре и Суботици, док на бокох Економиї текст о отриманей Жимскей школи за польопривреднїкох у Дюрдьове и Руским Керестуре як и о Сайме вина у Темерину дзе наградзени и нашо людзе.
Рубрика Култура и просвита понука читачом текст о премиєри представи „Илузиїˮ у хторей наступели и керестурски ґлумци, як и звити зоз трох наших школох, зоз шветочних програмох хтори школяре пририхтали з нагоди школскей слави.
Рубрика Людзе, роки, живот понука другу часц розгварки зоз Керестурцом Звонком Сабадошом, а о информацийох зоз церковних матрикулох пише на бокох Духовного живота. На бокох Дружтво текст о трох деценийох нового Руского дому у Шидзе.
Спорт информує о пририхтованю фодбалерох за ярню часц першенства, о Турниру у ґейминґу и баскету 3х3 отриманим у Кули, а ту и резултати фодбалерох младших катеґорийох.
До рубрики Горуци тепши смачни рецепт пририхтала Силвия Катона з Нового Саду, а у тим чишлє, як додаток вишло Руске словечко.