КУЛА – Кула була перша велька станїца у новей сезони 2026. року, дзе пондзелок, 26. януара, у Спортскей гали у ОШ „Петефи бриґаде” МТС караван орґанизовал турнир у баскету 3на3 и ґейминґ турнир.
На турниру у баскету 3на3 участвовали 12 екипи зоз Кули, котри були подзелєни до штирох ґрупох, а потим шлїдзела нокаут фаза. У вельким финалу екипа Жабох бавела процив екипи Вовкох. Лєпша була екипа Жабох хтора победзела, та резултат бул 11:5.
Кед слово о турниру у ґейминґу, на конзолох Sony PlayStation ше бавело фодбал и кошарку, а приявени були коло 50 змагателє. У финалу фодбала бавели Милош Фина и Лазар Станоєвич, алє схопнєйши бул Милош Фина, та завжал перше место. У финалу кошарки бавели Филип Янкович и Момчило Ґрмуша, а лєпши бул Филип Янкович, та завжал перше место.
По тераз МТС караван нащивел Неґотин, Сримску Каменїцу, Зренянин, Чачак, Мионицу, Арилє, Шабац, Лозницу, Сечань, Пожаревац, Арандєловац, Крупань, Нови Пазар и Кралєво.
