НОВИ САД – У ютрейшим ТВ Маґазину годно одпатриц як преславене локалне националне швето Руснацох у Вербаше и як преславена школска слава Святи Сава.
Тиж будзе слова и о новей диґиталней архиви Новинско-видательней установи Руске слово и о проєкту хаснованя диґиталних технолоґийох у школи у Руским Керестуре. Приказани буду и хвильки зоз студийского знїманя нового албума хтори пририхтую Славко Роман и Мирослав Сивч.
Такой по законченю Телевизийного маґазина, шлїдзи фамелийни маґазин Широки план у хторим буду госци Коцурски бетяре, а и патраче годни участвовац так же ше уключа до емисиї и наруча шпиванку хтору гудаци одграю.
Телевизийни маґазин почина на нєдзелю 1. фебруара на 20 годзин. Репризу емисиї годно одпатриц тей истей ноци коло 2 рано, и на пондзелок на 10:30 годзин.
Широки план на нєдзелю на 21 годзин.
