БЕОҐРАД – У просторийох Пасторалного центра папа Иван Добри, 27. и 28. януара 2026. року отримане 43 пленарне зашеданє Медзинародней владическей конференциї Святото Кирила и Мефтода.
Предшедал кардинал Владислав Немет СВД, беоґрадски надбискуп и митрополит, предсидатель Медзинародней владическей конференциї.
На конференциї участвовал владика Епархиї св. Миколая – Руски Керестур кир Георгий Джуджар, надбискуп барски монс. Рок Ґйонлешай, бискуп Епархиї Воздвиженя Блаженей Мариї Струмица-Скопє, монс. Киро Стоянов, бискуп призренско-приштински монс. Доде Дєрдї, бискуп сримски монс. Фабиян Свалина, бискуп суботицки монс. Ференц Фазекаш, бискуп зренянински монс. Мирко Штефкович, бискуп которски монс. Младен Вукшич ЧССВ.
На конференциї бул и монс. Янош Секелї з мадярского зомбатель владичества, бискуп мостарско-дуваньски и апостолски управитель требиньско-мркански монс. Петар Палич зоз Босни и Герцеґовини, Горватску бискупску конференцию представял помоцни бискуп дяковецко-осєцки монс. Иван Чурич, помоцни бискуп з Букурешту и делаґат Румунскей бискупиї монс Корнел Дамян.
На початку бискупох и владикох привитал апостолски нунций у Сербиї монс. Санто Роко Ґанґеми, апостолски нунций у Републики Сиверна Македония монс. Лучиано Суриани, апостолски делеґат за Косово монс, Луидї Бянко.
На конференциї ше найвецей бешедовало о дальших активносцох у Синодалним процесу у владичествох, хтори би зоз мотом „Заєднїцтво, участвованє, посланє”, требали Церкву врациц до єй першобутного задатку, а то нависцованє евангелиї у сучасним швеце.
Медзинародна бискупска конференция Святого Кирила и Мефтода активна од 22. децембра 2004. року.