ДЮРДЬОВ – Члени Културно-уметнїцкого дружтва „Тарас Шевченко” и Руского културного центру зоз Нового Саду, всоботу 30. мая на 22 годзин одпутовали на заєднїци наступ до Чаню у Чарней Гори.
Тоти нашо два Дружтва буду участвовац на Интернационалним фестивалу танцу и шпиванки „Adriatic Pearl” и представя Руснацох Републики Сербиї зоз танцами у руских святочних шматох и рускима народнима шпиванками.
Фестивал тирва од 31. мая по 5. юний, а їх перши наступ будзе нєшка, вовторок 2. юния на 20 годзин, а наступя и на ютре, 3. юния тиж на 20 годзин у центру Чаня на отвореней бини.
Драгу предводза члени Управного одобру КУД „Тарас Шевченко” Борис Балїнт и Владимир Балїнт, котри и орґанизаторе тей драги и наступу. Драгу на фестивал финасовало дюрдьовске Дружтво, а ноцнїк и костиранє кажде себе.
Зоз Чаню до Сербиї нашо аматере руша на пияток 5. юния пополадню.
