ЧАНЬ (ЧАРНА ГОРА) – На Интернационалним фестивалу танцу и шпиванки „Adriatic Pearl” у Чаню у Чарней Гори, Руснацох зоз Републики Сербиї представелo нашо Културно-уметнїцке дружтво „Тарас Шевченко” зоз Дюрдьова, котрим ше, у танцу и шпиванки приключели и членїци Руского културного центру зоз Нового Саду.
Фестивал тирва од 31. мая по 5. юний, а їх перши наступ бул вовторок, 2. юния на 20 годзин, а други стреду, 3. юния тиж на 20 годзин у центру Чаня на отвореней бини. Вони Руснацох представели зоз танцом у руских святочних шматох и з рускима народнима шпиванками.
Драгу предводза члени Управного одобру КУД „Тарас Шевченко” Борис Балїнт и Владимир Балїнт. Заплановане же би зоз Чаню до Сербиї нашо аматере рушели на пияток 5. юния.
