НОВИ САД – На сайту Филозофского факултета обявени термини за перши уписни рок. Онлайн приявйованє кандидатох будзе 22, 23. и 24. юния 2026. року. Особне приявйованє за кандидатох хторим ше нє удало конкуровац онлайн будзе 24. юния.
Покладанє приємного испита за модул Руски язик и литература будзе 29. юния на 10 годзин по розпорядку хтори мож опатриц на тим линку.
Оддзелєнє за русинистику поволує шицких заинтересованих же би ше приявели на Конкурс. За студентох хтори буду студирац руски язик и литературу обезпечени 4 места на буджету и 6 на самофинансованю.
Студийна програма Руски язик и литература представя єден з модулох у рамикох програми Язик, литература и култура.
Прелиминарна ранґ лїстина будзе обявена найпознєйше по 2. юлий, а конєчна ранґ лїстина будзе позната найпознєйше 4. юлия.
Прияти кандидат ше годни уписац од 6. по 9. юлий, а детальнєйши информациї буду обявени на сайту Факултета.
Зоз Филозофского факултету совитую же би ше пре шицки додатни и нови информациї коло приявох и упису на студиї провадзело сайт тей високошколскей установи.