КУЛА – Вчера, 18. юния, урядово почала сезона купаня на базенох Спортского центру. Базен будзе отворени кажди роботни дзень од 10 по 18 годзин, а през викенд од 10 по 19 годзин.
Цена уходнїци остала иста як и прешлого року – дзеци по 7 роки нє плаца уходнїцу, дзеци од 7 по 14 роки, як и пензионере, уход буду плациц 100, а одроснути 300 динари.
Базени пред тим нащивела и предсидателька Општини Кула др Весна Томич, хтора визначела же у наиходзацим периодзе на тей локациї буду орґанизовани числени активносци чий главни циль унапредзенє социялней компоненти шицких гражданох општини.