КУЛА – У Кули, у Крамеровей улїци, на соботу, 20. юния будзе отримана 17. „Трка приятельства”.
На 17 годзин буду ше обеговац дзеци на 100, 200, 300, 400 и 500 метери, за хторих прияви и участвованє безплатне, док главне обегованє будзе на 18 годзин, дзе уключени бежаня на 5 и 10 километри, як и Нордийске ходзенє на 5 километри. Преглашованє побиднїкох заплановане за 19 годзин, а после того будзе томбола.
Вкупни наградни фонд обегованя 420.000 динари.
Орґанизатор 17. „Трки приятельства” АК Гайдук Маратон Тим Кула, док покровитель Општина Кула.