НОВИ САД – Од 12. по 14. юний у Новим Садзе отримане державне першенство у малим фодбалу.
За титулу найлєпшей екипи змагали ше вкупно 14 екипи зоз цалей Сербиї. Ґрупни змаганя бавени три днї, а змаганя за треце и перше место отримани стреду, 17. юния, пре нєпогоду котра внєдзелю залапела Нови Сад, праве пред отримованьом тих закончуюцих змаганьох.
Треце место завжала екипа „Вовки” з Беоґраду, а друге место припадло екипи „НТМ Чикерия и Цирих, Бач, Вербас”.
Перше место завжала екипа „Cord IPS” з Нового Саду, за котру бранї наш ґолман Альоша Дюранїн, а чий тренер Небойша Десница, селектор репрезентациї Сербиї у малим фодбалу. Попри тим, Альоша достал и награду за найлєпшого бавяча змаганя у полуфиналним стретнуцу, а потим и награду за найлєпшого ґолмана на тим державним першенству у малим фодбалу, зоз достатима лєм двома ґолами.
Альоша бул на ширшим списку фодбалерох сениорскей репрезентациї Сербиї у малим фодбалу за Европске першенство хтора у маю того року освоєла треце место.
