КУЛА – Општина Кула и того року уручела пригодни награди найлєпшим школяром основних и штреднїх школох, а медзи наградзенима були и школяр ґенерациї за основну школу Никола Петкович, як и школярка ґенерациї за штредню школу Емина Бики, Школи Петро Кузмяк з Руского Керестура.
З тей нагоди, Општина Кула орґанизовала шветочни привит и уручованє пригодних наградох школяром хтори зоз своїм знаньом, роботу, трудом и закладаньом под час цалого школованя витворели окремни резултати.
Найлєпшим школяром дарунки уручела предсидателька општини Кула др Весна Томич, и директорка Народней библиотеки у Кули Драґана Дуркович.
На тот завод, предсидателька општини Кула повинчовала школяром посцигнути успих и визначела же робота, труд и витирвалосц, вредносци хтори вше даю добри резултати.