ДЮРДЬОВ – Млади зоз Култутно-уметнїцкого дружтва „Тарас Шевченко” и тей єшенї орґанизую Стретнуце младих „Алога Дюрдьов”.
Млади ше можу приявиц по стреду, 23. септембра на Инстаґрам профил @mladez.djurdjov або на число 061/13-039-33 орґанизаторки Валентина Салаґ.
Сход младих будзе тирвац єден дзень, на шлїдуюцу соботу 26. септембра, у периодзе медзи 10 и 11 годзин у просторийох Култутно-уметнїцкого дружтва „Тарас Шевченко”, у центре валала (Улїца Краля Петра Першого 64).
Млади орґанизаторе и домашнї того дня нащивительом орґанизую рижни роботнї на котрих годно правиц и коштовац руски єдла, упознац ше зоз историю Дюрдьова и Руснацами у тим месце, як и з роботу КУД „Тарас Шевченко”. Того дня, у вечарших годзинох будзе орґанизоване друженє младих.
Орґанизаторе поволую младих най ше приявя и най приду на друженє. Учашнїком на стретнуцу младих обезпечене костиранє и напой, як и гориво за приход до Дюрдьова.