НОВИ САД – На 59. Дневниковим турниру у малим фодбалу за найлєпшого ґолмана у возросту омладинцох преглашени Альоша Дюранїн.
Альоша на Дневниковим турниру участвовал у екипи АС Манойлович, хтора на турниру завжала друге место.
Змаганя на 59. Дневниковим турниру у малим фодбалу почали ище всоботу, 16. децембра 2023. року, а финални стретнуца одбавени внєдзелю 14. януара.
На турниру було седем старосни катеґориї, приявене було 160 екипи, и 1.600 бавячох малого фодбалу. Шицки стретнуце одбавени у малей дворани на Спенсу.
Млади, успишни и перспективни ґолман, стредньошколєц Альоша Дюранїн зоз Сримскей Каменїци од дзецинства тренира у вецей новосадских фодбалских клубох и до тераз бул нє раз наградзовани ґолман.