ВЕРБАС – Служба очитованя водомерох Дїловней єдинки Водовод и канализация Явного комуналного подприємства Комуналєц Вербас апеловала на трошительох же би поряднє преверйовали водоводни инсталациї, понеже зазначене значне звекшанє трошеня води после законченя габи нїзких температурох.
По словох компетентних зоз Оддзелєня читаня водомерох, така ситуация указує на числени пуканя водоводних инсталацийох котри у власнїцтве хасновательох, а котри ше случели пре змарзанє и познєйше пущанє води у цивох.
У Водоводу потолковали на яки способ мож замерковац погубенє – потребне заврец шицки чуряци места у ґаздовстве и превериц чи ше гвиздочка або мерач на водомеру и далєй обрацаю. Кед ше обрацаю, то сиґурни знак же иснує чуренє на мрежи.
З Комуналцу здогадую трошительох же старанє о нукашнїх инсталацийох обовязка хасновательох.