ДЮРДЬОВ – У 23. колу ярнєй часци першенства Другей новосадскей лиґи, внєдзелю, 26. априла на дюрдьовским стадиону одбавене стретнуце медзи домашнїм клубом и Фодбалским клубом „Центер” зоз Нового Саду. Стретнуце закончене зоз резултатом 9:0 за Бачку 1923.
Ґоли за Бачку дали: Милан Роґич у 7, 30. и 58. минути и Стефан Максимович у 20. и 26. минути.
После того стретнуца ФК Бачка 1923 на таблїчки Другей новосадскей лиґи забера друге место зоз 48 бодами. Такой за ню ФК Бачка зоз Беґечу зоз 47 бодами, штварти ФК Татра зоз Кисачу зоз 43 бодами, а на пиятей позициї ФК Милетич зоз Мошорину.
Шлїдуюце стретнуце за дюрдьовских фодбалерох будзе на домашнїм терену зоз дзешатопласованим ФК Желєзнїчар зоз Нового Саду котри ма 34 боди и забера осме место на таблїчки. Стретнуце будзе на соботу, 2. мая, на 17 годзин.
