ДЮРДЬОВ – У 19. колу Другей новосадскей лиґи у ярнєй часци першенства, внєдзелю, 29. марца на фодбалским стадиону у Дюрдьове одбавене стретнуце медзи домашнїм ФК Бачка 1923 и госцуюцим ФК Милетич зоз Мошорину.
Стретнуце закончене зоз резултатом 5:3, а ґоли за Бачку дали: нови бавяч у тей полусезони Стефан Максимович зоз Дюрдьова и у 15. минути Стефан Деянович.
После того змаганя, ФК Бачка 1923 на таблїчки Другей новосадскей лиґи на трецим месце зоз 38 бодами.
Шлїдуюце стретнуце дюрдьовски фодбалере одбавя на соботу, 4. априла у Новим Садзе зоз першопласованим РФК Нови Сад 2025 зоз Нового Саду, котри у тей сезони ма зазначени шеснац побиди, єдно нєришене стретнуце и анї єдно страцене.
Стретнуце почнє на 15:30 годзин.
