ОДЖАК – Младши катеґориї ФК „Русин” всоботу 8. фебруара у спортским центру у Оджаку одбавели 7. коло Мини Макси лиґи процив домашнєй екипи ФК „Текстилац” зоз Оджаку и процив екипи ФК „Крила Країне” зоз Бачкей Паланки, дзе у двох одбавених стретнуцох млади русиновци зазначели два пораженя.
У першим стретнуцу бавели дзеци народзени 2018. и 2019. року процив екипи Крила Країне зоз Бачкей Паланки и зазначели пораженє зоз резултатом 3:1. Єдини ґол за екипу Русина дал Стефан Гарди.
За екипу Русина 2018. и 2019. рок бавели: Дамян Орос, Андрей Орос, Стефан Гарди, Матео Такач, Давор Ковачевич, Леон Кренїцки и Филип Чуни.
У другим стретнуцу бавели дзеци народзени 2017. року процив домашнєй екипи Текстилац зоз Оджаку и на тим стретнуцу млади русиновци зазначели пораженє зоз резултатом 3:1. Ґол за екипу Русина дал Тони Пашо.
За екипу Русина 2017. рок бавели – Тони Пашо, Леон Боднар, Лазар Тасич, Стефан Папуґа, Матей Югик, Лука Кренїцки, Феликс Ковач, Филип Папуґа и Павле Папуґа.
Тренер – Денис Югик.
Екипа Русина 2017. рок зоз тим одбавеним стретнуцом закончела першенство, док екипа Русина 2018/19. рок ма одбавиц ище єдно стретнуце.
