Европске першенство у фодбалу – ЕУРО 2024

автор В. Вуячич
131 Опатрене

НЄМЕЦКА – Европске першенство у фодбалу – ЕУРО 2024, хторому домашня Нємецка, почало пияток 14. юния кед на 21 годзин одбавене перше стретнуце у ґрупи А медзи домашню репрезентацию Нємецкей процив Шкотскей на стадиону у Минхену.

Репрезентация Сербиї у ґрупи Ц и будзе бавиц процив Анґлиї, Словениї и Данскей.

Перше стретнуце на 17. европским першенству Сербия будзе бавиц зоз Анґлию на нєдзелю, 16. юния на 21 годзин на стадиону Шалкеа у Ґелзенкирхену. Друге стретнуце Сербия – Словения бави ше 20. юния у Минхену на 15 годзин. Треце стретнуце Сербия – Данска бави ше 25. юния на 21 годзин на стадиону Алиянц Арена у Минхену.

Европске першенство у фодбалу будзе ше бавиц на 10 стадионох у 10 городох ширцом Нємецкей. Тирва од 14. юния по 14. юлий, а одбави ше 51 стретнуце и участвую 24 репрезентациї.

ПОВЯЗАНИ ТЕКСТИ