Формованє видавательного плана Рускей матки за 2024. рок

автор В. Вуячич
454 Опатрене

РУСКИ КЕРЕСТУР – Руска матка розписує поволанку за придаванє рукописох за обявйованє кнїжкох по руски з обласци поезиї, прози, наукових и есеїстичних жанрох, литератури за дзеци, младих и одроснутих.

Рукопис треба же би бул написани по руски, у електронскей форми, унєшени до програми Ворд у системских майкросфтових Виндоуз фонтох. Рукописи оценї фахова комисия составена зоз членох Одбора за науку и Одбора за културу Рускей матки.

З рукописом треба послац Молбу у хторей буду наведзени точни податки о авторови, мено, презвиско (або псевдоним), електронска адресу и телефон, як и нєобходна информация хтору автор жада сообщиц Редакциї.

Рукописи мож посилац по 1. марец 2023. року на електронcки адресу: matka@mts.rs, fejsam@gmail.com.

Рукописи ше нє враца.

Контакт: проф. др Михайло Фейса, предсидатель Рускей матки и Одбора за науку Рускей матки (062 590 341).

ПОВЯЗАНИ ТЕКСТИ