Гайдук 2023 славел процив Русина

автор Д. Барна
147 Опатрене

КУЛА – Столнотениски клуб (СТК) Русин соботу 1. фебруара у Кули одбавел 8. коло Южнобачкей лиґи процив екипи СТСУ „Гайдук 2023” и зазначел пораженє зоз вкупним резултатом 4:0.

За екипу СТК „Русин” на тим першенственим стретнуцу наступали: Михайло Сабадош, Иґор Фейди и Стефан Горняк.

У першим стретнуцу бавел Михайло Сабадош хтори зазначел пораженє зоз резултатом 3:1 по сетох и екипа зоз Кули перша дошла до предносци од 1:0 у партийох.

У другим стретнуцу Иґор Фейди тиж зазначел пораженє зоз резултатом 3:0 по сетох и у вкупним резултату було 2:0 у партийох за домашнїх.

У трецим стретнуцу Стефан Горняк одбавел аж пейц сети, медзитим на концу зазначел пораженє зоз резултатом 3:2 по сетох и екипа зоз Кули подзвигла резултат на вельких 3:0 у партийох.

Штварте стретнуце, дубл стретнуце дзе у тиму бавели Михайло Сабадош и Стефан Горняк зазначели пораженє зоз резултатом 3:1 по сетох, док вкупни резултат на соботовим першенственим стретнуцу у Кули глашел 4:0 у партийох за СТСУ „Гайдук 2023”.

У шлїдуюцим 9. колу Южно Бачкей лиґи СТК „Русин” будзе бавиц 9. фебруара у Руским Керестуре процив екипи СТК „Войводина” зоз Бачкого Ґрадишта.

ПОВЯЗАНИ ТЕКСТИ