КУЛА – У орґанизациї Руского културно-уметнїцкого дружтва „Др Гавриїл Костельник” пияток, 19. януара, у просторийох Држтва з пригодну програму означене Националне швето Руснацох у Кули.
Шветочносц отворена, уж традицийно зоз интонованьом державней гимни „Боже правди”, а потим и шветочней шпиванки Руснацох „Браца Русини” у провадзеню Еуфемиї Планкош. После того пречитани текст о историяту Руснацох на тих просторох, о присельованю и як нєшка жию, а вец дзецинска драмска ґрупа виведла єден мали скеч, дзе ше им придружела шпивацка дзецинска ґрупа и вєдно одшпивали єдну коляду.
Шицких присутних привитал и поздравел предсидатель вивершного одбору Националного совиту Руснацох Желько Ковач, присутни були и Секретар културно-просвитней заєднїци, тиж и представителє других културно-уметнїцких дружтвох.
Потим Мишана шпивацка ґрупа одроснутих одшпивала два коляди, дзе после шлїдзело додзельованє грамотох заслужним сотруднїком.
За конєц програми з нагоди означованя Националного швета Руснацох, Мишана шпивацка хлопско – женска ґрупа одшпивала два народни шпиванки, а програму водзела Амалия Ковач.
После законченей шветочней програми, бул орґанизовани коктел дзе ше друженє предлужело зоз шпиваньом и танцованьом.
