БАЧКЕ ҐРАДИШТЕ – Младши катеґориї ФК Искра, одбавели ище єден удатни турнир у Бачким Ґрадишту и завжали перше место.
На турниру участвовали штири екипи, два екипи зоз Бачкого Ґрадишта, екипа Искри и екипа Войводини зоз Нового Милошева, а бавели дзеци хтори ходза до другей класи основней школи.
Екипа Искри и на тим турниру була найлєпша, победзела у шицких стретнуцох, а у финалним надбавела домашню екипу зоз Бачкого Ґрадишта зоз резултатом 8:0.
Конєчни пласман на турниру бул шлїдуюци: перше место завжала екипа Искри, друге место припадло екипи зоз Бачкого Ґрадишта, док треце место освоєла екипа Войводини зоз Нового Милошева.
За найлєпшого бавяча преглашени Лазар Филеп зоз екипи Искри, а награда за найлєпшого стрилца тиж пошла до Лазарови рукох хтори дал 12 ґоли на турниру.
Орґанизатор турнира бул ФК Войводина зоз Бачкого Ґрадишта.