БЕОҐРАД – На 44. Сайму туризма прешлого тижня, представела ше и Штредня школа „Петро Кузмяк” з Руского Керестура, одн. напрям єй фаховей школи – Туристично-готелиєрски технїчар.
Школа була ковикладач на штанду Покраїнского секретарияту за привреду и туризем дзе школяре того напряму през рижни активносци представели свою роботу, нащивительом презентовали на яки способ окончую фахову праксу итд.
Штанд нащивел и помоцнїк покраїнского секретара Палмир Тот котрому представена роботи керестурскей Школи.
Саям прешлей соботи нащивели школяре и шицких штирох рокох напряму Туристично-готелиєрски технїчар, котрих провадзели наставнїци фахових предметох.
Окремне задовольство було видзиц дакедишнїх школярох того напряму на штандох националних туристичних аґенцийох.