ДЮРДЬОВ – У просторийох Културно-уметнїцкого дружтва „Тарас Шевченко” у Дюрдьове на нєдзелю, 15. децембра, будзе отримана креативна роботня за наймладших членох.
На роботнї дзеци буду цифровац медовнїки хтори упечу старши членїци Дружтва. Орґанизаторе креативней роботнї обезпечели потребни материял, як и окрипенє, та поволую шицких заинтересованих же би пришли.
Роботня почнє на 10 годзин, а медовнїки хтори буду направени того дня, члени КУД буду предавац на нєдзелю, 22. децембра на Новорочним вашаре у Дюрдьове.