РУСКИ КЕРЕСТУР – На соботу, 14. септембра будзе отримана VI Подобова колония „Еуфемия Гарди 2024”, у орґанизациї Месного одбору Рускей матки (РМ) у Руским Керестуре.
На тогорочней колониї поволани участвовац 14 подобово творителє од найстарших ґенерацийох по школярох, векшином, т.є. дзевецеро з Керестура, тройо з Кули, и по єден з Вербасу и Крущичу. Орґанизатор им обезпечел платна и олєйово лєбо акрилни фарби.
Колония будзе отримана у Спортскей гали, роботна часц у чаше од 8 по 13 годзин, а потим полудзенок и друженє учашнїкох.
Подобова колония будзе отримана по проєкту Рускей матки за финансованє и софинансованє програмох и проєктох очуваня, пестованя, презентациї и розвою култури и уметносци рускей заєднїци у Републики Сербиї по конкурсу Покраїнского секретарияту за културу и информованє АП Войводини.
Безпоштредни орґанизатор керестурски Месни одбор РМ а фахови орґанизатор Славко Пап.