ШИД – У Улїци Матиї Ґубца асфалтoвана драга у длужини 1.050 метери, а вчера, 6. септембра закончуюци роботи нащивел предсидатель општини Зоран Семенович зоз сотруднїками.
За тоти роботи локална самоуправа опредзелєла 15 милиони динари и асфалт будзе повязани зоз Лїповачку улїцу и Босутску и далєй прейґ моста прейґ потоку Шидини у напряме улїци Сави Шумановича.
По словох предсидателя Семеновича, у улїци Матиї Ґубца положи ше банкини и будзе ришене атмосферске одцеканє води, а асфалтоване и коло Спортскей гали и паркинґ.
