НОВИ САД – Перши уписни термин того року на факултети Универзитета у Новим Садзе приблїжує ше ґу концу, конєчни ранґ-лїстини обявени, а упис на Филозофски факултет закончени 6. авґуста.
Гоч звичайни термини за упис на факултети концом юния и на початку юлия, того року шицко ше одвивало початком авґуста. За професорох и студентох то дакус було нєзвичайне, алє шицко прешло у порядку.
На Оддзелєнє за русинистику на Филозофским факултету приявел ше єден кандидат хтори и уписани до нового школского року.
Други круг уписного термина будзе отримани початком септембра, а по словох доцентки докторки Ани Римар Симунович, нови академски 2025/2026. рок за студентох почина у новембру.