БИКИЧ – У 20. колє Медзиопштинскей фодбалскей лиґи Срим, ґрупа Заход, фодбалере ОФК Бикич дома водзели процив ФК „Змай” з Ночаю зоз 4:0, а у 32. минути стретнуце претаргнуте, бо як нєурядово дознаваме, госцуюца екипа нє мала достаточне число бавячох на терену.
Бикичаном припадню боди по официйним резултату и хвильково су штварти на таблїчки зоз 31 бодом, а у 21. колє фодбалере зоз Бикичу буду госцовац у Адашевцох дзе буду бавиц процив Ґраничара.