СРИМСКА МИТРОВИЦА/БЕОҐРАД – Парох о. Иґор Вовк у полней Церкви Вознесения Господнього у Сримскей Митровици пошвецел кошарки зоз пасхалним єдзеньом.
Пред Пасху Господню були служени шицки обряди ак то швето Воскресеня Христового дава. На Шветли пондзелок и вовторк вирни зоз о. Вовком були на теметове дзе на гробох служени панахиди.
У беоґрадскей парохиї Кирила и Методия у Крунскей улїци 23, всоботу на 16 годзин преславена Пасха. Службу Божу служел о. Иґор Вовк, а пришло вельке число вирних. Бул присутни и Ґаврило Ґрбан зоз Канцелариї за вири и українски амбасадор Олександар Литвиненко. У казанї по сербски, українски и по руски о. Вовк наказовал о важносци Христового Воскресеня у наших животох.
