Побида на приятельским стретнуцу процив Кули

автор А. Медєши
423 Опатрене

РУСКИ КЕРЕСТУР – Перше пририхтуюце фодбалске стретнуце у ярнєй часци Першенственей сезони Русиново фодбалере одбавели внєдзелю, 5. фебруара на Ярашу процив сушедней екипи Кула, у хторим домашнї славели з резултатом 3:0 (2:0).

Змаганє почало досц ровномирно, алє уж у 15. минути, после фаула над нашим бавячом, ґол дал искусни Русинов шпиц, Янко Кулич.

Нови помоцнєня у екипи Русина, Милош Буквич и Никола Циврич, добре ше указали и дали до знаня же буду добра потримовка уж убавеней екипи. У предлуженю першого полчасу лабда була вецей при домашнїх бавячох, а у 33. минути млади Саянкович звекшує резултат на 2:0.

По конєц стретнуца було ище надосц нагоди, од хторих лєм єдна реализована.

Шлїдуюце пририхтруюце стретнуце заказане за нєдзелю 12. фебруар, кед Русин дочека екипу БСК зоз Бачкого Брестовцу.

ПОВЯЗАНИ ТЕКСТИ