ОДЖАК – Младши катеґориї ФК Русин соботу, 9. новембра у Оджаку почали бавиц Мини Макси лиґу. У першим колу бавели возрости 2017. рок окреме и 2018. и 2019. рок вєдно.
Русин ше зоз 2017. роком змага у ґрупи дзе ище: Текстилац, Крила Країне Червени, Крила Країне Били и Дунав.
Русин ше зоз 2018. и 2019. роком змага у ґрупи дзе ище: Текстилац, Полет, Крила Країне и Дунав.
На терен у Оджаку перше вишли 2018. и 2019. рок, дзе у стретнуцу процив парнякох зоз Каравукова славели побиду зоз минималним резултатом 1:0. Ґол за екипу Русина дал Андрей Орос.
У екипи Русина 2018. и 2019. рок бавели – Матео Такач, Филип Папуґа, Иван Варґа, Дамян Орос, Константин Сабодайко, Тони Пашо, Леон Кренїцки, Андрей Орос, Павле Папуґа, Александар Пекич, Лука Ликов, Стефан Гарди, Давор Ковачевич, Николая Петкович и Лука Папуґа. Тренер – Денис Югик.
У другим стретнуцу бавел 2017. рок, дзе млади русиновци одмерали моци процив екипи Текстилца зоз Оджаку и зазначели пораженє зоз резултатом 1:0.
За екипу Русина 2017. рок бавели – Тони Пашо, Димитри Хома, Леон Боднар, Павле Виславски, Феликс Ковач, Матей Югик, Лука Папуґа, Лука Медєши, Николая Петкович, Павле Папуґа, Лука Кренїцки и Филип Папуґа.
Змагательна комисия: 1. Здравко Шкаво (предсидатель), 2. Виктор Ґенич (член) и 3. Ґоран Йованович (член).
