ШИД – Дзешата културна манифестация за дзеци „Дзецинске културне лєто” почина нєшка, 21. юлия и будзе тирвац по нєдзелю 27. юлий.
Нєшка будзе отримана дзецинска представа у ОШ „Сримски фронт”, а наступи и мадїоничар Страхиня зоз „Маґичну комедию“.
Од вовторку по пияток будзе отримани лєтни кино на отвореним и буду приказовани рисовани филми за дзеци.
На соботу будзе виведзена театрална представа „Маґични циркуз“, а на нєдзелю „Бависка без гранїцох“, Пена парти и ошвиженє зоз лакотками, сладолядом и лимунаду.
Шицки програми буду починац на 19 годзин на новей Площи култури у дворе Месней заєднїци и Музичней школи.