РУСКИ КЕРЕСТУР – Традицийна лєтна школа у Попрадзе за школярох зоз порядней и виборней настави руского язика, того року будзе реализована од 24. по 29. юлий у орґанизациї Националного совиту рускей националней меншини (НСР).
У Националним совиту отримана остатня схадзка пред одходом до лєтней школи до Попраду, на котрей догварени шицки подробносци коло одходу.
Як дознаваме, плановане же до лєтней школи пойду 32 школяре зоз наших местох, седмеро викладаче – Каролина Джуджар, Ана-Мария Рац, Оля Яковлєв, Мария Самарджич, Деян Бучко, Сенка Бесерминї, и Деян Будински, и представнїки НСР спред орґанизатора.
На драгу руша 24. юлия, у Попрадзе буду пребувац пейц ноцованя, дзе заплановани рижни факултативни вилєти, обиходзенє знаменїтосцох и историйних локацийох, як и настава з руского язика и рускей историї.