КУЛА – На поволанку студентох за ґенерални штрайк, вчера 24. януара, одволали ше и гражданє Кули и єй општини.
Ґрупа гражданох зишла ше на 11 годзин опрез предавальнї Идеа при мосце, дзе кратко бешедовали студенти и просвитни роботнїки.
Мирне протестне шейтанє у колони ше потим предлужело през Ленїнову и Улїцу Йосипа Крамера, а застановело ше на крижней драги при велькей предавальнї Идеа дзе ше зоз 15-минутову цихосцу дало почесц настрадалим у нєщесцу на Желєзнїцкей станїци у Новим Садзе.
Протестна колона, у хторей було вельке число гражданох як з Кули так и з других местох тей општини, на тот способ блокирала крижну драгу на главней улїци, а блокада прешла мирно, без инцидентох.
