РУСКИ КЕРЕСТУР – Фодбалки клуб Русин пририхтованя за сезону 2025/26 започал внєдзелю 6. юлия на Ярашу, дзе одробели и перши тренинґ.
Кед слово о бавяцким кадру, екипу Русина после законченей сезони напущели Оґнєн Маркович и Дарко Гарди, а помоцнєня хтори пришли до клубу то Йован Стойкович, Йован Шевич и Бранислав Иван.
После двох тижньох тренираня, внєдзелю 20. юлия екипа Русина одбавела перше пририхтуюце стретнуце у Руским Керестуре зоз екипу Кривань зоз Селенчи, а и попри велїх нагодох котри мала екипа Русина конєчни резултат бул 0:0.
За екипу Русина на тим стретнуцу бавели: Александар Драґутинович, Деян Чернок, Александар Кочиш, Стефан Тома, Владимир Кочиш, Бранислав Иван, Виктор Надь, Йован Шевич, Деян Югик, Иван Планчак, Деян Будински, Йован Стойкович и Роберт Винаї.
Шлїдуюце пририхтуюце стретнуце котре одбави екипа Русина будзе на нєдзелю 27. юлия зоз екипу Искри зоз Коцура.
