Руска кухарка по сербски на „Смакох традициї”

автор Б. Варґа
87 Опатрене

РУСКИ КЕРЕСТУР – На Манифестациї традицийних руских єдлох „Смаки традициї”, котра будзе на соботу, 1. юния у Руским Керестуре, на штанду НВУ „Руске слово” годно ше на знїженю од 25% купиц „Мацерову руску кухарку” по сербски.

На „Смакох традициї” „Руске слово” будзе заступене на двох штандох, такой на уходзе на штанду орґанизаторох, дзе авторки и редакторка кнїжки „Rusinski tradicionalni kuvar – po receptima moje majke” буду з нащивителями бешедовац о руских националних єдлох. Нащивителє на тим штанду годни деґустовац руски традицийни єдла, котри направели учашнїки фестивалу.

На другим штанду НВУ „Руске слово” буду ше предавац кнїжки по знїженей цени. Цена рускей кухарки по сербски „Rusinski tradicionalni kuvar – po receptima moje majke” зоз знїженьом од  25% будзе коштац – 1.500 дин.

Манифестация традицийних руских єдлох „Смаки традициї”, треца по шоре и будзе отримана на желєней поверхносци коло Спортскей гали у Руским Керестуре, у чаше од 11 по 20 годзин, а у орґанизациї Здруженя гражданох „Руска скарбнїца”.

ПОВЯЗАНИ ТЕКСТИ