ВЕРБАС – Влада Републики Сербиї принєсла одлуку о преглашеню шейсцох церквох за памятнїки култури: церква Блаженей дїви Мариї у Земуну, Грекокатолїцка церква у Коцуре, Евангелистична Християнска церква А.В. у Вербаше, церква Успения Богородици у Вукони, церква Вознесеня Господнього у Цветулї и церква св оца Миколая у Врелу.
Медзи церквами и Грекокатолїцка у Коцуре котра пошвецена Успению Пресвятей Богородици, збудована є 1792. року у класицистичним стилу зоз барокним уплївом.
Иконостас намальовани 1813. року, намальовал го Арса Теодорович, єден з найзначнєйших малярох сербского походзеня зоз периоду класицизма.
Його малюнки котри ше находза у Грекокатолїцкей церкви у Коцуре, представяю важне културне и историйне нашлїдство маю значни уметнїцки квалитет и важни су за виглєдованє малярства 19. вика у Войводини.