НОВИ САД – У найновшим 3. чишлє новинох ,,Руске слово” окремни боки пошвецени нашей прешлосци и Сримскей Митровици, а шицко з нагоди централней преслави Дня Руснацох хтора ше 18. януара отрима у тим месце.
На бокох Тижньовнїка Одбор за образованє Нациналного совиту Руснацох отримал схадзку, тема була Национална читанка за 3. и 4. класу основней школи. На Наших местох напис же Националне швето Руснацох преславене у Вербаше.
У рубрики Економия фамелия Бучкових з Руского Керестура преславела три децениї успишней роботи у поднїмательстве, док на бокох Култури и просвити видвоюєме виставу Оцисок за два вики лїтописа у Матици сербскей, дзе виложена и ґрафика Влади Нярадия.
У рубрики Людзе, роки, живот представени дохтор Будимир Сабо-Дайко зоз Нємецкей, хтори родом з Коцура, док на бокох Дружтва вецей о библиотеки у Руским Керестуре.
Духовни живот преноши атмосферу з епархийней церкви св. о. Миколая у Руским Керестуре дзе отворени Святи дзвери з нагоди Святого 2025. року.
На бокох Спорту представени два терховнї у Руским Керестуре.
У тим чишлє и два додатки. У Руским словечку представена Леа Ранкович, док на бокох Мозаїка наш госц Денис Гарди зоз Ирскей. На бокох Горуци тепши рецепт за груби колач з маком.