ИВАНЇЦА – На VIII Подобовим конкурсу Нушич пред очми уметнїка у рамикох XVII фестивалу Нушичияда, друга награда додзелєна подобовому уметнїкови Владови Нярадийови з Вербасу.
Владо Няради, на Подобовим конкурсу представел свойо два малюнки Драмски здогадованя 1 и 2, хтори настали 2025. року, а робени су зоз комбиновану технїку и першираз су представени у явносци.
На VIII Подобови конкурс, хтори розписани у рамикох тогорочного XVII фестивалу Нушичияда, сцигло 38 прияви. После селектованя и одлуки жирия право участвовац на вистави витворели 28 авторе, чийо роботи представени публики на фестивалскей програми.
Вистава шветочно отворена у Ґалериї Дому култури Иванїца, 21. авґуста и будзе тирвац по 10. септембер.
